Ռուսաստանի խաղաղապահ զորախմբի զինծառայողները Ռուսաստանի հասարակական կազմակերպությունների և բարեգործական հիմնադրամների կողմից տրամադրված մարդասիրական օգնությունը հասցրել են Արցախի Մարտակերտի շրջանի Խնկավան և Չափար հեռավոր բնակավայրեր: Երկու գյուղերում այժմ ապրում է շուրջ 1000 մարդ, գրում է ՌԴ ՊՆ կայքը՝ նշելով, որ նրանցից շատերը օգնության կարիք ունեն:
Հումանիտար ակցիայի ընթացքում ռուս խաղաղապահները փախստականներին և ներքին տեղահանված անձանց են հանձնել երեխաների համար անհրաժեշտ իրեր, կենցաղային իրեր, հագուստ, հիգիենայի պարագաներ, խաղալիքներ և մանկասայլակներ:
Ընդհանուր առմամբ, ռուս խաղաղապահները Արցախի բնակիչներին են հանձնել շուրջ 155 տոննա հումանիտար պարագաներ, որոնք Հայաստան են առաքել ռուսական բարեգործական կազմակերպություններն ու հիմնադրամները:
