Սյունիքի մարզում հայ-ադրբեջանական սահմանի ճշգրտման ցավոտ գործընթացը շարունակվում է: Այսօր առավոտից Որոտան համայնքում հավաքվել են ռուս խաղաղապահ զորքի, հայկական ու ադրբեջանական կողմի ներկայացուցիչներ՝ քննարկելու իրավիճակն այս համայնքում:
«Շենքի մեջ էլ են հանդիպում ու գնում եմ, ամեն տեղից եկել են, տանը հանդիպում է գնում, մինչև տեսնենք` այդ հարցի շուրջ ինչ են անում: Թուրքերն էլ են էնտեղ, իրանք էլ, մերոնք էլ են էնտեղ», - ինչպես հայտնում է «Ազատությունը» ասում է համայնքի ղեկավարը:
Որոտանի գյուղապետ Սուրեն Օհանջանյանի փոխանցմամբ՝ հավաքը տեղի է ունենում հենց վիճահարույց հատվածում` երկհարկանի տանը, որի տիրոջը՝ Սեյրան Օհանջանյանին, օրեր առաջ ադրբեջանցիները մեկ ժամ էին տվել հեռանալու համար: