Ռուսաստանի խաղաղապահ զորախմբի մասնագետները շարունակում են Արցախի տարածքի ականազերծման աշխատանքները: Մաքրվել են 10.7 հա տարածք, 9.3 կմ ճանապարհ, ստուգվել է 35 շենք, հայտնաբերվել և ոչնչացման նպատակով դուրս է բերվել 2237 պայթյունավտանգ առարկա: Ընդհանուր առմամբ, Արցախում ականազերծման ժամանակ (2020-ի նոյեմբերի 23-ից) չպայթած զինամթերքից մաքրվել են 299.7 հա տարածք, 117.7 կմ ճանապարհ, 487 բնակելի շենք, այդ թվում ՝ սոցիալական նշանակության 14 օբյեկտ, հայտնաբերվել և վնասազերծվել է 11310 պայթյունավտանգ առարկա: Այս մասին տեղեկանում ենք ՌԴ ՊՆ կայքից:
Ռուսաստանի խաղաղապահ զորակազմը, համագործակցելով ԿԽՄԿ-ի և Արցախի ԱԻՆ ներկայացուցիչների հետ, շարունակում է ռազմական գործողությունների ընթացքում զոհվածների մարմինների որոնումներն ու փոխանցումը:
Թեժ գիծը շարունակում է տեղեկություն հավաքել հակամարտության ժամանակ անհայտ կորածների վերաբերյալ: Աշխատանքի սկզբից ի վեր ստացվել է 543 հեռախոսազանգ: Բոլոր դիմումները փոխանցվել են կողմերի հաշտեցման կենտրոնի որոնողական խմբերին:
Ռուս բժիշկների բրիգադը Կաղարծի գյուղում ամբուլատոր և պոլիկլինիկական օգնություն է ցուցաբերել 24 բնակչի, այդ թվում՝ 4 երեխայի: Ընդհանուր առմամբ, ռուս ռազմական բժիշկները օգնություն են ցուցաբերել Արցախի 926 բնակչի, այդ թվում՝ 119 երեխայի:
