Ռուսական խաղաղապահ զորախմբի ստորաբաժանումների կողմից շարունակվում է Լեռնային Ղարաբաղի տարածքում հրադադարի ռեժիմի պահպանման վերահսկողության խնդիրների կատարումը:
Հյուսիսային եւ Հարավային պատասխանատվության գոտիներում ռուս խաղաղապահների կողմից իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն է իրականացվում 23 դիտակետերում:
Հրադադարի պահպանման ռեժիմը պահպանվում է շփման գծի ողջ երկայնքով:
Ռուս խաղաղապահների հսկողության ներքո իրականացվում է բնակչության և քաղաքացիական ավտոտրանսպորտի անվտանգ տեղաշարժը Լաչինի միջանցքով։
Մեկ օրում Հայաստանի տարածքից Լեռնային Ղարաբաղ ապահովվել է մարտական գործողությունների պատճառով ավելի վաղ Լեռնային Ղարաբաղում իրենց տները լքած 1199 արցախցիների անվտանգ վերադարձը: Ընդամենը նոյեմբերի 14-ից ռուս խաղաղապահների աջակցությամբ նախկին բնակության վայրեր են վերադարձել Լեռնային Ղարաբաղի ավելի քան երեք հազար բնակիչներ:
Համաձայն ձեռք բերված պայմանավորվածությունների Լեռնային Ղարաբաղում շարունակվում է հակամարտության ընթացքում զոհված զինծառայողների մարմինների փոխանակումը: Այն անցկացվում է Ռուսաստանի Դաշնության խաղաղապահ ուժերի եւ Կարմիր խաչի միջազգային կոմիտեի համակարգմամբ։
Նոյեմբերի 19-ին ռուսական խաղաղապահ ուժերի պարեկները Շուշի բնակավայրից Ադրբեջանի Հանրապետության Ֆիզուլիի շրջանի տարածք ապահովեցին Ադրբեջանի զինված ուժերի զինծառայողներով 5 ավտոմեքենայի անվնաս տեղափոխումը:
Շարունակվում է Ռուսաստանի ռազմատրանսպորտային ավիացիայի Իլ-76, Ան-124 ինքնաթիռներով խաղաղապահ զորակազմի, ռազմական տեխնիկայի եւ նյութական գույքի տեղափոխումը: Ընդամենը 2020թ. նոյեմբերի 10-ից իրականացվել է 206 չվերթ, այդ թվում անցած մեկ օրում ՝ 22 չվերթ ։ Ռուսաստանի օդատիեզերական ուժերի ռազմատրանսպորտային ինքնաթիռներով բերվել է ավելի քան 40 միավոր ավտոմոբիլային եւ Հատուկ տեխնիկա:
Հայաստանի տարածք են տեղափոխվել Բարձր անցանելիության բեռնատար մեքենաներ, ինժեներական տեխնիկա, ինչպես նաեւ նյութատեխնիկական ապահովման տեխնիկա եւ իրային գույք:
Մարդասիրական հարցերի լուծմանն ու Լեռնային Ղարաբաղում քաղաքացիական ենթակառուցվածքների վերականգնմանն աջակցելու նպատակով Ռուսաստանի Պաշտպանության նախարարության ղեկավարությամբ Ստեփանակերտ քաղաքում շարունակվում է հումանիտար արձագանքման միջգերատեսչական կենտրոնի ձևավորումը:
Ադրբեջանի և Հայաստանի զինված ուժերի գլխավոր շտաբերի հետ փոխհարաբերությունն անընդհատ իրականացվում է ուղիղ հաղորդակցման ուղիներով ՝ խաղաղապահ խնդիրներ իրականացնելու և հնարավոր միջադեպերը կանխելու համար:
