Կարծում եմ, որ Մովսես Հակոբյանի հայտարարություններով պետք է զբաղվեն իրավապահ մարմինները: Այս մասին ֆեյսբուքյան իր էջում գրել է ՀՀ վարչապետ մամուլի խոսնակ Մանե Գեւորգյանը։
«Իսկ թե վարչապետին վերաբերյալ նրա հրապարակած փաստերը որքանով են հիմնավոր, բերեմ ընդամենը մեկ օրինակ:
Մովսես Հակոբյանը հայտարարել է, թե վարչապետը ՌԴ նախագահ Վլադիմիր Պուտինի հետ մինչ սեպտեմբերի 30-ը որևէ հեռախոսազրույց չի ունեցել, մինչդեռ վարչապետի պաշտոնական կայքում հպարակված են վարչապետի և ՌԴ նախագահի միջև սեպտեմբերի 27-ին, սեպտեմբերի 29-ին տեղի ունեցած հեռախոսազրույցների մասին մամուլի հաղորդագրությունները: Վերջիններս տարածվել են նաև ԶԼՄ-ներին:
Ստորև ներկայացնում եմ հաղորդագրությունների հղումները.
- https://www.primeminister.am/hy/press-release/item/2020/09/27/Nikol-Pashinyan-Vladimir-Putin-Telephone-Conversation/?fbclid=IwAR10muZj4Tg3Fg_LiCOTi6fzOfuscv_8gYyXkGl5uSdneUVeFcUz-fnUAekhttps://www.primeminister.am/.../Nikol-Pashinyan.../
- https://www.primeminister.am/hy/press-release/item/2020/09/29/Nikol-Pashinyan-Vladimir-Putin-Telephone-Conversation/?fbclid=IwAR2r75RGa6_RMH9ov3Z3nIKwbFWh8N8g0QsZfg1gwzfOMKXxoy1PFE0I1dghttps://www.primeminister.am/.../Nikol-Pashinyan.../
Վարչապետի հասցեին Հակոբյանի հնչեցրած մյուս մեղադրանքները ունեն ճշտության նույնպիսի աստիճան: Ամեն դեպքում, կարծում եմ Հայաստանի իրավապահ մարմինները պետք է քննեն պարոն Հակոբյանի արած բոլոր հայտարարությունները եւ դրանք պետք է հատիկ հատիկ պարզաբանվեն եւ գնահատականի արժանանան:
Լիազորված եմ տեղեկացնել, որ Հայաստանի վարչապետը իր հասցեին պարոն Հակոբյանի հնչեցրած բոլոր մեղադրանքները համարում է մտացածին ու անհեթեթ եւ ըստ պատեհության կանդրադառնա դրանց: Այդ հայտարարությունները ուսումնասիրվում են նաեւ վարչապետի նկատմամբ սուտ մատնություն անելու համատեքստում: Ուսումնասիրությունների արդյունքում այս կապակցությամբ նույնպես կկայացվի որոշում»,- գրել է Գեւորգյանը: