ՀՀ-ում Արցախի Հանրապետության կառավարության օպերատիվ շտաբը ներկայացրել է մայիսին իրականացված աշխատանքների մասին հաշվետվություն: Ըստ այդմ.
- Զոհված զինծառայողների հուղարկավորության և գերեզմանների բարեկարգման, տապանաքարերի պատրաստման ծախսերի տրամադրման համար ընդունվել է 56 գործ, որը ուղարկվել է ԱՀ աշխատանքի, սոցիալական և միգրացիայի հարցերի նախարարություն՝ համապատասխան ընթացք ստանալու համար։
- Արցախյան պատերազմում վիրավորված զինծառայողների հաշմանդամության կարգավիճակի ձևակերպման համար ընդունվել է 65 փաստաթղթային փաթեթ:
- Վանաձորի տուն-ինտերնատ մշտական բնակության համար դիմել և տեղավորվել է մեկ բնակիչ Շուշի քաղաքից, իսկ Քաշաթաղի շրջանի Մարաթուկ գյուղի մեկ բնակչի տեղավորման հարցը գտնվում է ընթացքի մեջ։
- Պատերազմի հետևանքով հաշմանդամություն ձեռք բերած 3 անձի տրամադրվել է սայլակ:
- Հունիսի 1-ի դրությամբ ՀՀ-ում տեղահանված արցախցիների թիվը կազմում է 5526 ընտանիք, 22.177 մարդ. անճշտությունը 5%։
Գործընթացը շարունակական է. յուրաքանչյուր ամիս բազանները ճշգրտվում և թարմացվում են՝ հաշվի առնելով տեղաշարժերը։