«Շատ կարևոր է մի սկզբունքային, կարևոր նրբություն, որ երկար ժամանակ և հետևողականորեն թաքցվել է հայ հանրությունից», այսօր այս մասին ԱԺ-ում հայտնեց Նիկոլ Փաշինյանը:
Վարչապետն ընգծեց, երբ Սերժ Սարգսյանն ասում էր, որ Ադրբեջանը հրաժարվում է խնդրի լուծման մադրիդյան տարբերակից, պետք է հասկանալ, թե սա ինչ է նշանակում.
«Ադրբեջանը 2011 թվականից սկսած հրաժարվում է միջանկյալ կարգավիճակի քննարկումից: Թվում է, թե այս պայմաններում բանակցային հմտությունների արդյունքում հայկական կողմը կարողանար հասնել նրան ճիշտ քաղաքականության, արտաքին քաղաքականության արդյունքում, հայ-ամերիկյան, հայ- ֆրանսիական, հայ-ռուսական ճիշտ հարաբերությունների կառուցման արդյունքում հասներ նրան, որ միջնորդները Ադրբեջանին համոզեին, որ այս միջանկյալ կարգավիճակը ընդունի, բայց փաստն այն է, որ Ադրբեջանի այս դիրքորոշումը 2014-2015 թվականներից սկսած արժանացել է միջնորդների աջակցությանը: 2016 թվականի Ապրիլյան պատերազմը սկսել է այն բանից հետո, երբ միջնորդների կողմից հայկական կողմին առաջարկվել է հրաժարվել միջանկյալ կարգավիճակի արձանագրման պահանջից»:
Փաշինյանն արձանագրեց՝ 2016 թվականի ապրիլից 2 ամիս առաջ միջնորդների կողմից եղել է հստակ առաջարկ, որ հայկական կողմը հրաժարվի միջանկյալ կարգավիճակի արձանագրման ձգտումներից, հայկական կողմը հրաժարվել է և դրանից 2 ամիս անց սկսվել է Ապրիլյան պատերազմը. «Որը տարածքային կորուստներից հետո կանգնեցնելու հանգամանքով պետք է դառնար և դառնում իմ նշած, օրակարգի, այսինքն միջանկյալ կարգավիճակից հրաժարման պարտադրում»,-նշեց վարչապետը:
