«Հայաստան» համահայկական հիմնադրամի նախագահ Հայկակ Արշամյանը գրառում է արել Ֆեյսբուքի իր էջում՝ հայտնելով, որ իր ծավալուն ու երկարաժամկետ ծրագրերին զուգահեռ՝ «Հայաստան» համահայկական հիմնադրամն Արցախից տեղահանված ընտանիքների կարիքները հոգալու համար իրականացնում է նաև 10 շարունակական հրատապ ծրագիր ավելի քան 61 համայնքում՝ ընդհանուր առմամբ 6000 շահառուի համար:
Շարունակվում են ամանորյա ներկայացումները զինվորականների երեխաների համար՝ Գավառ, Գյումրի, Երևան …, իսկ նախասրահներում փոքրիկ հանդիսատեսներին սպասում են նվերները:
ԻՄ ՔԱՅԼԸ բարեգործական հիմնադրամն Արցախյան վերջին պատերազմում զոհված, վիրավորում ստացած, անհետ կորած կամ գերեվարված զինվորների, ինչպես նաև պատերազմի հետևանքով Արցախի Հանրապետությունից ՀՀ տեղափոխված ընտանիքների 6-12 տարեկան շուրջ 5000 երեխայի համար կազմակերպում են ամանորյա միջոցառումներ: ԻՄ ՔԱՅԼԸ հիմնադրամի հրավերով և միջոցներով երեխաները կայցելեն ՀՀ տարբեր քաղաքներում գործող թատրոնների այս օրերի ներկայացումներին: Մասնակից երեխաների համար նախատեսվում են նաև նվեր-փաթեթներ:
ԻՄ ՔԱՅԼԸ հիմնադրամը միջոցառումների համար հատկացրել է 14 մլն 890 հզր դրամ (շուրջ 28 հզր ԱՄՆ դոլար):
