Դիլիջանի համայնքապետարանի և ՄԱԿ-ի Փախստականների գործակալության (ՄԱԿՓԳՀ) միջև շարունակական և արդյունավետ համագործակցության շրջանակներում՝ Փախստականների օրվա նախօրեին Դիլիջան համայնքի ղեկավարի պաշտոնակատար պարոն Դավիթ Սարգսյանը ստորագրել է Փախստականների կողքին Համերաշխության համաձայնագիրը՝ հաջակցություն Դիլիջանում բնակվող փախստական և տեղահանված ընտանիքների` նպաստելով հյուրընկալող համայնքում նրանց ինտեգրմանը:
«Դիլիջանը տեղահանված ընտանիքների համար հարազատ տուն է դարձել։ Համայնքն օգնության ձեռք է մեկնում նրանց, սփոփում, ոգեշնչում և քաջալերում` մասնակացելու և ներդրում ունենալու համայնքի կյանքում», ասել է Դիլիջանի քաղաքապետը։
Ինչպես ՄԱԿՓԳՀ-ն նշել է, ճգնաժամի պահին քաղաքներն ու քաղաքապետերը համայնքներում կանգնած են առաջնագծում՝ պատրաստ գործելու, փրկելու և աջակցելու։ Ըստ ՄԱԿՓԳՀ-ի` Դիլիջանը հենց այդ քաղաքներից մեկն է․ մի անվտանգ և խաղաղ միջավայր, որտեղ ապահովվում է ներդաշնակ և համերաշխ կյանք տեղահանված անձանց համար: