Զոհված զինծառայողների աճյունների երեկվա որոնման աշխատանքները Քաշաթաղի հարավային շրջանում, Սոնասարում և Որոտանում ավարտվել են արարդյունք: Աճյուններ չեն հայտնաբերվել:
Այսօր որոնողական աշխատանքները կշարունակվեն Հադրութի շրջանում՝ մեկ ջոկատով: Այս մասին «Հայկական ժամանակի» հետ զրուցում ասաց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը:
2020 թվականի նոյեմբերի 13-ից առ այսօր, Արցախի վերահսկողությունից դուրս գտնվող տարածքներում փրկարար ջոկատների կողմից իրականացված որոնողական աշխատանքների արդյունքում հայտնաբերված կամ Ադրբեջանի կողմից փոխանցված աճյունների ընդհանուր թիվը 1539 է:
