Արցախի Հանրապետության նախագահի աշխատակազմի տեղեկատվության գլխավոր վարչության նախաձեռնությամբ մայիսի 19-ից 29-ը ԱՀ շրջանների ու մայրաքաղաքի դպրոցների ավագ դասարանների աշակերտների համար կազմակերպվել են մեդիագրագիտության դասընթացներ: Այս մասին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:

Դասընթացների անցկացման նպատակն էր երիտասարդ սերնդին ներկայացնել, թե ինչպես է աշխատում մեդիա ոլորտը, ինչով է իրարից տարբերվում կեղծ և իրական լրատվությունը, ինչ հնարքներ են օգտագործում լրատվամիջոցները:

Դասընթացներին մասնակցել են շուրջ 1300 աշակերտներ Արցախի 59 համայնքների դպրոցներից: Այն կլինի շարունակական: