Արցախի ԱԺ նախագահ Արթուր Թովմասյանը գրառում է կատարել Ֆեյսբուքի իր էջում, որում հայտնել է, որ գտնվում է Ուկրաինայի մայրաքաղաք Կիևում.
Սիրելի՛ հայրենակիցներ, այժմ գտնվում եմ Ուկրաինայի մայրաքաղաք Կիևում։ ԱՀ երրորդ նախագահ Բակո Սահակյանի 2020թ.-ի ապրիլի 30-ի հրամանագրով՝ ակտիվ և արդյունավետ աշխատանքի համար և Հաղթանակի տոնի, ԱՀ պաշտպանության բանակի կազմավորման և Շուշիի ազատագրման 28-րդ տարեդարձի կապակցությամբ, Ուկրաինայում բնակվող բարերարներ Կորյուն Կիմի Կարախանյանն ու Միսակ Հովհաննեսի Խիդիրյանը պարգևատրվել են «Երախտագիտություն» մեդալով, որը մեծ սիրով փոխանցեցի մեր հայրենակից բարերարներին։