ՌԴ ՊՆ խաղաղապահ զորամիավորման հատուկ նշանակության բժշկական ջոկատը շարունակում է բժշկական օգնություն ցուցաբերել Ստեփանակերտի և այլ բնակավայրերի բնակիչներին: Ջոկատի անձնակազմից ստեղծվել են հատուկ շարժական խմբեր՝ Արցախի տարածքում բնակիչներին անհրաժեշտ բուժօգնություն ցուցաբերելու նպատակով: Նախօրեին Գիշիում բժիշկներն օգնություն են ցույց տվել Գիշի գյուղի 40 բնակչի: Այդ մասին տեղեկացնում է ՌԴ ՊՆ կայքը: Ընդհանուր առմամբ, մինչև հիմա Արցախում բուժօգնություն է ստացել 800-ից ավելի բնակիչ, այդ թվում՝ 100 երեխա: Արցախի բնակիչներն ավելի քան 60 ռուս վիաբույժներին, թրապևտներին, անեսթեզիոլոգ-ռեանիմատոլոգներին սովորաբար դիմում են տարատեսակ քրոնիկ հիվանդությունների սրացումների, սրտանոթային, էնդոկրին համակարգի հետ կապված խնդիրներով և ատամբաբուժական ծառայությունների խնդրանքով:
Ռուսաստանի խաղաղապահ առաքելության զինվորականները Ստեփանակերտի և Մարտակերտի զորավարժարաններում շարունակել են մարտական պատրաստության կատարելագործումը: Այդ մասին հայտնում է ՌԴ ՊՆ կայքը: Խաղաղապահները թիրախներ են խոցել ինքնագիձներով, գնդացիրներով, դիպուկահար հրացաններով, ինչպես նաև հակատանկային նռնականետներով: Ռուս զինվորականները մասնակցել են նաև մարտավարական, հատուկ, կրակային, ռազմական մեքենաների և հատուկ տրանսպորտային միջոցներ վարելու վարժանքներին: Ուսումնական վարժանքին մասնակցել է 200 զինծառայող:
