ԱՀ նախագահ Արայիկ Հարությունյանը հուլիսի 10-ին ընդունել է «Թովմասյան» բարեգործական հիմնադրամի նախագահ Արտակ Թովմասյանին:
Ինչպես հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից, քննարկվել են հետպատերազմական Արցախի զարգացմանը վերաբերող հարցեր: Նախագահը շնորհակալություն է հայտնել «Թովմասյան» հիմնադրամին՝ տարիներ շարունակ Արցախում իրականացվող ծրագրերի համար: Հանդիպմանը մասնակցել է ՆԳՆ նախարար Կարեն Սարգսյանը:
