ՀՀ վարչապետի տիկին Աննա Հակոբյանն Աժ փոխնախագահ Լենա Նազարյանի հետ այցելել է պատերազմում անմահացած Վազգեն Հովհաննիսյանի ընտանիքին՝ Արարատի մարզի Մարմարաշեն գյուղում։
Աննա Հակոբյանն իր ֆեյսբուքյան էջում տեղեկացրել է, որ Վազգենը չորս որդու հայր է։
«Եվ չնայած այս հանգամանքը ազատում էր նրան պատերազմին մասնակցելու «պարտավորությունից», նա կնոջ՝ էմմայի հորդորներին ի պատասխան ասել է. Ինչպես տանը մնամ, երբ գյուղի տղերքը մարտերի մեջ են այնտեղ, զոհվում են։
Վազգենի որդիների համար շատ դժվար է հայրիկի բացակայության հետ հաշտվելը, բայց նրանք դեռ կհասկանան իրենց հոր որոշումը, քաջությունն ու հերոսությունը, կհպարտանան իրենց հայրիկով»,- գրել է վարչապետի տիկինը։
