Այս մասին «Արցախպրես»-ին տեղեկացրեց ԱՀ քաղաքաշինության նախարարության մամուլի պատասխանատու Մարթա Դանիելյանը։ «Գործընթացը մեկնարկել է ապրիլի 25-ից։ Ավարտման փուլում են համայնքում կառուցվող 3 առանձնատների շինարարական աշխատանքները: Ներկա դրությամբ իրականացվում է ներքին հարդարում»,- նշեց մեր զրուցակիցը՝ հավելելով, որ ևս երկու առանձնատան շինաշխատանքներն էլ ընթացքի մեջ են գտնվում։
Մ. Դանիելյանի տեղեկացմամբ՝ կապալառուն «Հիմնաքար» ՓԲ ընկերությունն է։
