Interlur.com լրատվական գործակալությունը ՌԴ ԱԳՆ լրատվական ծառայությունից տեղեկացել է, որ Ռուսաստանի Արտաքին գործերի նախարար Սերգեյ Լավրովը հանդիպումներ է ունեցել ՌԴ հայկական և ադրբեջանական համայնքների ներկայացուցիչների հետ։ ՌԴ ԱԳՆ պաշտոնական մամուլի հաղորդագրությունում մասնավորապես ասվում է․
ՌԴ ԱԳ նախարար Սերգեյ Լավրովը հանդիպել է Ռուսաստանի հայկական եւ ադրբեջանական համայնքների նշանավոր ներկայացուցիչների՝ «Ռուստաստանի հայերի միություն» համառուսաստանյան հասարակական կազմակերպության նախագահ Արա Աբրահամյանի և «Կիեւյան հրապարակ» ընկերության տնօրենների խորհրդի նախագահ Գոդ Նիսանովի հետ։ Քննարկվել է հայկական և ադրբեջանական համայնքների դերը` Ռուսաստանի Դաշնության տարածքում ազգամիջյան խաղաղության ու ներդաշնակության պահպանման գործում՝ գործող օրենսդրությանը համապատասխան: Կարեւորվել է համատեղ բացատրական և կրթական աշխատանքի կարեւորությունը՝ ազգային պատկանելության հիմքով Ռուսաստանի քաղաքացիների իրավունքների ոտնահարման դեպքերը կանխելու և վերացնելու համար: Ըդգծվել է ադրբեջանական եւ հայկական համայնքների կառուցողական ներդրման անհրաժեշտությունը Բաքվի և Երևանի միջև հարաբերությունների բարելավման խթանման համար պայմանների ստեղծման գործում։
