Ռուսաստանցի ֆուտբոլային մեկնաբան, հայազգի Նոբել Առուստամյանը հավատարմագրվել է ԵՎՐՈ 2020-ի խաղերին: Տեղեկությունը հաստատել է ՌԴ ԱԳ նախարարության պաշտոնական ներկայացուցիչ Մարիա Զախարովան:
«Մարզական մեկնաբան Նոբել Առուստամյանին հավատարմագրեցին Եվրոպայի առաջնությանը: Հրաշալի է: Շնորհակալություն, ՈւԵՖԱ», – գրել է Զախարովան իր տելեգրամ ալիքում:
Հիշեցնենք, որ հայազգի մեկնաբանը չէր հավատարմագրվել Եվրոպայի առաջնությանը, քանի որ մրցաշարն ընդունող երկրիրը՝ Ադրբեջանն արգելափակել էր նրա հավատարմագրումը: Ադրբեջանի ֆուտբոլի ֆեդերացիայի փոխնախագահ Էլհան Մամեդովը հայտարարել էր, որ Առուստամյանը խախտել է երկրի օրենքները՝ չհարգելով Ադրբեջանի տարածքային ամբողջականությունը:
ԵՎՐՈ 2020-ն ընթանալու է Բաքվում: