Արցախի մայրաքաղաք Ստեփանակերտում անվտանգային միջոցառումներ են իրականացվում: «Արմենպրես»-ի տեղեկություններով՝ դրանք կապված են Ադրբեջանի զինուժի հարվածների հետևանքով խիստ վթարային դարձած մի քանի բնակելի շենքերի հետ: Ստեփանակերտի քաղաքապետարանն իր քաղաքացիներին կոչ է արել լինել զգոն և ուշադիր, սակայն պահպանել հանգստություն:
«Սիրելի Ստեփանակերտցիներ, քաղաքային իշխանությունների կողմից ամեն ինչ վերահսկվում է: Խուճապի մի մատնվեք: Ամեն ինչ արվում է՝ անվտանգության նկատառումներից ելնելով: Զգոն և ուշադիր եղեք»,- ասված է քաղաքապետարանի տարածած հայտարարությունում:
Արցախի Հանրապետության Ազգային ժողովի նախագահ Արթուր Թովմասյանը «Ֆեյսբուք»-ի իր էջում կատարել է հետևյալ գրառումը. «Արցախից ժամանակավորապես հեռու գտվող իմ սիրելի հայրենակիցներ, խուճապի մի մատնվեք։ Ամեն ինչ վերահսկողության տակ է»։
