ՀՀ վարչապետ Նիկոլ Փաշինյանը կառավարության մեջ փոփոխություններ է նախատեսում: Այս մասին Փաշինյանն ասաց նոյեմբերի 16-ին Ազգային ժողովում «Իմ քայլը» խմբակցության անդամ Արթուր Մանուկյանի հարցին ի պատասխան:
«Լինելու են կառավարության մեջ փոփոխություններ: Փոփոխությունները լինելու են այնպես և այն ժամկետներում, որ ոչ թե ուղղակի գործողություն լինի ցույց տալու համար, այլ բովանդակային արդյունավետության և այլ փոփոխությունների բերի»,- ասաց Փաշինյանը:
Վարչապետը հավելեց, որ այդ փոփոխությունները լինելու են որոշ հանգամանքների վերլուծությունների արդյունքում:
