Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանի առողջական վիճակը կայուն է: «Արմենպրես»-ի թղթակցի հետ զրույցում նա ասաց, որ միկրոինֆարկտ է տարել, բայց այժմ իրեն լավ է զգում:
Արցախի թեմի առաջնորդ Պարգև սրբազանը սրտի կաթված է տարել: Իզմիրլյան բժշկական կենտրոնում հետազոտությամբ պարզվել է, որ ինֆարկտը տարել է ոտքի վրա: Առաջին անգամ սրտի կաթված արքեպիսկոպոսի մոտ բժիշկները գրանցել են, երբ նա ԱՄՆ-ում էր՝ համահայկական հիմնադրամի դրամահավաքին: Այժմ նրան բուժած բժիշկները հետազոտության արդյունքներով շտապ վիրահատության ցուցում են տվել: Պարգև սրբազանն այժմ մեկնում է Միացյալ Նահանգներ: