Նիկոլ Փաշինյանի առցանց մամուլի ասուլիսի ընթացքում լրագրողներից մեկը հետաքրքրվեց ՝ ո՞րն է հիմա վարչապետի սեփական կետը բանակցություններում, որի մասին խոսել է պաշտոնավարման սկզբում։
Փաշինյանն ի պատասխան նշեց, որ սեփական կետ ասելով նկատի է ունեցել, որ որ իրենք այդ տրամաբանությանը փորձում են և փորձելու են չհամաձայնվել։ «Մենք պետք է վերլուծենք և ձևակերպենք այն օրակարգը, որը մենք ունենք այսօրվա իրավիճակի շուրջ և պետք է սպասարկենք այդ օրակարգը՝ մասնավորապես կենտրոնանալով Լեռնային Ղարաբաղի կարգավիճակի հարցի վրա, ամենակարևոր խնդիրն այն է, որ Լեռնային Ղարաբաղի ժողովուրդը պետք է ապրի ԼՂ-ում և ԼՂ կարգավիճակի հարցը մեզ համար նոր սրությամբ և նոր կարևորությամբ պետք է դրվի բանակցային գործընթացի հիմքում։ Ինչպես նաև հումանիտար հարցերը, ինչպես նաև կումունիկացիոն, տրասնպորտային հարցերը և այպես շարունակ»։