"Ռուսաստանի Դաշնության պաշտպանության նախարարությունը շարունակում է ռուս խաղաղապահների տեղափոխումը Լեռնային Ղարաբաղի հակամարտության գոտում խաղաղապահ առաքելության տարածք: Հայաստանի օդակայաններ ժամանող անձնակազմը եւ ռազմական տեխնիկան ինքնաթիռներից դուրս բերելուց հետո ձեւավորվում են շարասյուներ Լեռնային Ղարաբաղ տեղափոխման համար:
Շարասյուններն ուղեկցվում են Մի-8 եւ ՄԻ-24 ուղղաթիռներով: Օրվա ընթացքում Ուլյանովսկ-Վոստոչնի օդանավակայանից Ռուսաստանի օդատիեզերական ուժերի ռազմական տրանսպորտային ավիացիայի Իլ -76 և Ան -124 ինքնաթիռներն իրականացրել են 22 ինքնաթիռի թռիչք: Հայաստան է առաքվել 64 միավոր ավտոմոբիլային և հատուկ տեխնիկա `զրահամեքենաներ, արտաճանապարհային բեռնատարներ, բաքատարներ, էքսկավատորներ և այլ նյութատեխնիկական օժանդակ սարքավորումներ", - ասվում է Ռուսաստանի Դաշնության Պաշտպանության նախարարության տեղեկատվության և զանգվածային հաղորդակցության վարչության հաղորդագրությունում։