ՄԱԿ-ի Գլխավոր ասամբլեայի 74-րդ նստաշրջանի շրջանակում ԵԱՀԿ ՄԽ համանախագահները հանդիպել են ՀՀ ԱԳ նախարար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հետ: Հանդիպմանը մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Համանախագահները դրական են գնահատել ամառվա ընթացքում բռնությունների գործադրման նվազմանն ուղղված Հայաստանի ու Ադրբեջանի գործադրած ջանքերը: Հանդիպման ժամանակ քննարկվել են նաև լարվածության թուլացմանն ուղղված լրացուցիչ միջոցների կիրառման հնարավորությունը և հետագա քննարկումների համար պատշաճ մթնոլորտի պահպանման անհրաժեշտությունը:
ԵԱՀԿ ՄԽ համանախագահների տարածած հաղորդագրության մեջ նաև ասվում է, որ առաջիկայում համանախագահները կայցելեն Հայաստան և Ադրբեջան:
