ՀՀ վարչապետն Ազգային ժողովում պատգամավորների հարցերին պատասխանելուց առաջ հայտարարեց՝ ցավում է, որ ընդդիմությունը չկա, քանի որ սա լավ առիթ էր, որպեսզի այն բոլոր հարցերը, որոնք հնչեցվում են ամենատարբեր ամբիոններից, ի վերջո պատասխան ստանան:
Փաշինյանը հույս հայտնեց, որ «Իմ քայլը» խմբակցությունը կհնչցնի այն բոլոր հարցերը, որոնք կհնչեցվեր նաեւ ընդդիմության կողմից:
Հիշեցնենք, որ ընդդիմադիր ԼՀԿ-ն ու ԲՀԿ-ն հայտարարեցին, որ չեն մասնակցելու վարչապետի հետ հանդիպմանը:
Ի դեպ, ԱԺ-ում տեխնիկական խնդիրներ կան: ԱԺ փոխնախագահ Ալեն Սիմոնյանը հայտարարեց, որ ինչպես գրանցման, այնպես էլ էկրանների խնդիրները պայմանավորված են հայտնի պատճառներով: Նա հավանաբար նկատի ուներ նոյեմբերի 9-ի գիշերը ԱԺ-ում տեղի ունեցած վայրագությունները:
