Վարչապետ Նիկոլ Փաշինյանն այսօր իր առցանց մամուլի ասուլիսի ժամանակ անդրադարձավ հարցին, թե պաշտոնավարման սկզբում, երբ վարչապետը հայտարարում էր, որ բանակցությունները սկսում է սեփական կետից, հիմա ո՞րն է այդ սեփական կետը բանակցություններում։
«Սեփական կետ ասելով՝ նկատի ունեի, որ մենք այդ տրամաբանությանը փորձելու էինք և փորձելու ենք չհամաձայնել։ Ինչ վերաբերում է նոր կետին, մենք պետք է վերլուծենք և ձևակերպենք այն օրակարգը, որն ունենք այսօրվա իրավիճակի շուրջ, և պետք է սպասարկենք այդ օրակարգը, մասնավորապես՝ կենտրոնանալով ԼՂՀ կարգավիճակի հարցի վրա։ Ամենակարևոր խնդիրը, որ ԼՂՀ ժողովուրդը պետք է ապրի ԼՂՀ-ում, և նրա կարգավիճակի հարցը նոր սրությամբ ու կարևորությամբ պետք է դրվի բանակցային գործընթացի հիմքում, ինչպես նաև՝ հումանիտար, կոմունիկացիոն, տրանսպորտային հարցերը և այլն»,- ընդգծեց Նիկոլ Փաշինյանը։
