Արցախի Պաշտպանության բանակը ունենալու է նույն կարգավիճակը, ինչ ունի, որովհետև Արցախի Պաշտպանության բանակը Արցախի Պաշտպանության բանակն է։ Առցանց մամուլի ասուլիսի ընթացքում հայտարարեց վարչապետ Նիկոլ Փաշինյանը՝ անդրադառնալով հարցին, թե ինչ կարգավիճակ է ունենալու Արցախի ՊԲ-ն ռուս խաղաղապահների Արցախ մտնելուց հետո։
Եվ նաև երբ ես խոսում եմ 20-35.000 զինվորների մասին, այդ զինվորների հսկայական մասը Արցախի ՊԲ-ի զինվորների մասին է խոսքը, և սա նշանակում է՝ Արցախի ՊԲ-ն կա, և Արցախի ՊԲ-ն շարունակելու է գոյություն ունենալ և Արցախի ՊԲ-ն պետք է զարգանա, պետք է հզորանա և պետք է նաև երաշխավորը լինի Արցախ ինքնիշխանության»,-նշեց նա։