Այսօր առավոտյան էլ, ինչպես ամեն օր ես հեռախոսազրույց եմ ունեցել Արցախի նախագահի հետ և ուրախ եմ արձանագրել, որ բնակչության վերադարձի բավական լավ տեմպ է սկսվում արձանագրվել, իհարկե այն նշաձողի սահմաններում, որ մենք ունենք։ Ազգային ժողովում արձագանքելով «Իմ քայլը» խմբակցության պատգամավոր Հայկ Սարգսյանի հարցին՝ նշեց Նիկոլ Փաշինյանը։
«Արդեն իսկ ամեն օր վերադարձողների թիվը վերջին մեկ շաբաթվա ընթացքում գերազանցել է հազարը, և տեմպը աճում է, և բնականաբար առաջիկա ամենակարևոր անելիքն է աջակցել, որ արցախցիները վերադառնան Արցախ, ում տները վնասված են, վերականգնվեն, ենթակառուցվածքները վերականգվեն, տնտեսությունը սկսի աշխատել, և դա ամենակարևոր անելիքն է, որի վրա Հայաստանի կառավարությունը և Արցախի կառավարությունը պետք է կենտրոնանան, և կամավորների ներգրավվածությունը այս գործընթացին նույնպես շատ կարևոր է։ Հիմա նաև սպասվում է, որ հենց այսօր թերևս կբացվի Լաչինի միջանցքով ճանապարհը Ստեփանակերտ, դա կգործի անխափան, որպեսզի տեղի ունենա ազատ հաղորդակցությունը»,-նշեց վարչապետը։
