«Ընդդիմադիր Նիկոլ Փաշինյանը չէր կարող իմանալ՝ իշխող կուսակցության դրամարկղ գումար մտնում է, թե չի մտնում, նվիրում են, թե չեն նվիրում, ոչ ընդդիմադիր քաղաքական գործիչ Նիկոլ Փաշինյանը, ոչ էլ առավելևս, լրագրող Նիկոլ Փաշինյանը կարար իմանար, թե էդ ինչ անուն է, մի հատ էլ հեռախոսի համարով զանգեր, ասեր՝ դուք էս ինչ տեղը փող փոխանցել եք, մի հատ էլ ընդեղից ասեին չէ կամ հա»,-այդ մասին այսօր մամուլի ասուլիսի ժամանակ պատասխանելով ՔՊ հիմնադրամի փոխանցումների վերաբերյալ հարցին՝ ասաց ՀՀ վարչապետ Նիկոլ Փաշինյանը։
Այնուհետև վարչապետն ասաց, որ այն ինչ ասվում է, ասվում է բացառապես այն պատճառով, որ իրենք օրենսդրությունը, այդ թվում կուսակցությունների մասին, այնքան են բարեփոխել, այնքան են փոխել, այնքան են թափանցիկ դարձրել, որ իրենք իրենց փոխած օրենքը տվել են գործիք բոլորին, որ զանգեն, գնան, նայեն հաշվեն, զանգեն, գումարեն, հանեն։
«Էն, ինչ որ դուք ասում եք, ընդդիմադիր լրագրող կամ ընդդիմադիր քաղաքական գործիչ Նիկոլ Փաշինյանը հուր էլ դառնար, չէր կարող այդ ամեն ինչն անել»,- ասաց Նիկոլ Փաշինյանը։
Մանրամասները՝ տեսանյութում
