Վրաստանի վարչապետ Իրակլի Ղարիբաշվիլին շնորհավորել է ՀՀ վարչապետի պաշտոնակատար Նիկոլ Փաշինյանին Հայաստանում կայացած արտահերթ խորհրդարանական ընտրություններում «Քաղաքացիական պայմանագիր» կուսակցության հաղթանակի առթիվ: Նա իր շնորհավորական ուղերձը հրապարակել է «Թվիթեր»-ի իր միկրոբլոգում:
«Սրտանց շնորհավորում եմ վարչապետ Նիկոլ Փաշինյանին ընտրությունների հաջող անցկացման և նախնական արդյունքներով «Քաղաքացիական պայմանագիր» կուսակցության հաղթանակի առթիվ: Բոլորին հաջողություն եմ մաղթում»,- գրել է Ղարիբաշվիլին:
Վրաստանի վարչապետը նաև նշել է, որ անհամբեր սպասում է նոր կառավարության հետ սերտ համագործակցությանը։
