Վաղը հանրապետության 29 քննական կենտրոնում դիմորդները միասնական քննություն են հանձնելու «Հայոց լեզու» առարկայից: Այս առարկայի միասնական քննության համար հայտագրվել է 3751 դիմորդ: «Հայկական ժամանակին» տեղեկացրեց ԳԹԿ մամուլի խոսնակ Խաչանուշ Գրիգորյանը։
Նրա խոսքով՝ 29 քննական կենտրոններից 7-ը գտնվում են Երևանում, իսկ 22-ը՝ մարզերում: Մարզերի դիմորդների թիվը 2795 է, մայրաքաղաքի դիմորդների թիվը՝ 956:
Հիշեցնենք, որ քննության տևողությունը 180 րոպե է՝ 3 ժամ: Ավարտից քիչ անց՝ ժամը 13.00-14.00, Գնահատման և թեստավորման կենտրոնը հրապարակում է ճիշտ պատասխանները: Գնահատականները հրապարակվելու են քննությունը հանձնելու 5-րդ օրը՝ այս դեպքում՝ հունիսի 20-ին, իսկ բողոքարկել գնահատականը կարելի է դրա հաջորդ օրը՝ մինչև ժամը 18.00-ն:
Միասնական քննությունների վերջին օրը հունիսի 25-ն է։