Հանրապետության տարածքում՝ սեպտեմբերի 18-ի ցերեկը, 19-20-ը, 23-ին սպասվում է առանց տեղումների եղանակ: Սեպտեմբերի 21-ին՝ առանձին շրջաններում, 22-ին շրջանների զգալի մասում սպասվում է կարճատև անձրև և ամպրոպ։ Այս մասին հայտնում են ԱԻՆ-ից։ 

Քամին՝ հարավ-արևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ:

Օդի ջերմաստիճանը սեպտեմբերի 19-22-ը աստիճանաբար կնվազի 3-4 աստիճանով:

Երևան քաղաքում՝ սեպտեմբերի 18-ի ցերեկը, 19-21-ը, 23-ին սպասվում է առանց տեղումների եղանակ, 22-ին՝ կեսօրից հետո հնարավոր է կարճատև անձրև և ամպրոպ:

ԱԻՆ-ի հրապարակած աղյուսակի համաձայն, Շիրակի, Կոտայքի, Լոռու եւ Արագածոտնի մարզերում առաջիկա օրերին գիշերները ջերմաստիճանը հասնելու է մինչեւ +5-+7 աստիճանի:

Հանրապետության տարածքում

Երևան քաղաքում