Գործարար Իլոն Մասկը, մեկնաբանելով ինքնաթիռի կործանումը, որով թռչում էր «Վագներ» ռազմական մասնավոր ընկերության հիմնադիր Եվգենի Պրիգոժինը, կարծում է, որ տեղի ունեցածը կարող է լինել «հոգեբանական օպերացիա»։ Այսպես է նա արձագանքել X (Twitter) սոցիալական ցանցի օգտատերերից մեկի գրառմանը, ով հայտարարել է, որ ավիաաղետը «թույլ չտվեց երկար սպասել»։
«Ավելի, քան սպասում էի: Ոչ մեծ հավանականություն կա, որ սա հոգեբանական օպերացիա է»,- ի պատասխան ասել է Մասկը:
Embraer Legacy բիզնես ջեթը օգոստոսի 23-ի երեկոյան Մոսկվայից ուղևորվում էր Սանկտ Պետերբուրգ։ Այն ընկել է Տվերի մարզի հյուսիս-արևմուտքում գտնվող Բոլոգովսկի շրջանի Կուժենկինո բնակավայրի մոտ։ Արտակարգ իրավիճակների նախարարության տվյալներով՝ ինքնաթիռում եղել է տասը մարդ, այդ թվում՝ անձնակազմի երեք անդամ։ Նրանք բոլորը զոհվել են։ Հարուցվել է քրեական գործ 236-րդ հոդվածով՝ օդային տրանսպորտի երթևեկության անվտանգության և շահագործման կանոնները խախտելու մասին։