Նոյեմբերի 21-ին Խորվաթիայի մայրաքաղաք Զագրեբի «Մաքսիմիր» մարզադաշտում կկայանա ՈւԵՖԱ Եվրոպայի 2024 թվականի առաջնության որակավորման խմբային փուլի D խմբի վերջին մրցափուլի Խորվաթիա-Հայաստան հանդիպումը:
Հայաստանի ազգային հավաքականի՝ հանդիպմանը ներկա գտնվել ցանկացող երկրպագուներին հատկացվել է մարզադաշտի հարավային տրիբունայի մի հատվածը: Տոմսերի արժեքն է 15 եվրո:
Տոմսերը կարելի է ձեռք բերել՝ անցնելով հետևյալ հղումով:
Հիշեցնենք՝ ընտրական փուլի՝ սեպտեմբերի 11-ին Երևանում կայացած Հայաստան-Խորվաթիա հանդիպմանը ազգային հավաքականը 1։0 հաշվով պարտվել էր աշխարհի բրոնզե թիմին: