Ստեփանակերտ են ժամանել Ադրբեջանում գտնվող օտարերկրյա ռազմական կցորդները:
Այս մասին հայտնում է ria.ru-ն:
Նրանք տեղում ծանոթանալու են իրավիճակին և ԼՂ ՊԲ զինաթափման գործընթացին:
Ժամանած կցորդների թվում են Ռուսաստանի, Չինաստանի, Իրանի, Ղազախստանի, Բելառուսի և մի շարք այլ երկրների ներկայացուցիչներ։
Ավելի վաղ ադրբեջանական բանակի ներկայացուցիչները հայտնել էին, որ ընթանում է ղարաբաղյան ուժերի զինաթափման գործընթացը։ Խանքենդին գտնվում է Ադրբեջանի զինված ուժերի կրակային հսկողության տակ։
Ադրբեջանը երաշխիքներ է ստացել, որ Ղարաբաղի «ապօրինի հայկական կազմավորումները» կզինաթափվեն, իսկ ռազմական տեխնիկան կտեղափոխվի Բաքու:
Այս մասին հայտարարել է Ալիևի օգնական Հիքմեթ Հաջիևը։
«Մոտ 10 հազար հայկական ապօրինի զինված կազմավորումների առկայությունը Ղարաբաղում անընդունելի էր: Ադրբեջանը երաշխիքներ ստացավ, որ Ղարաբաղում հայկական անօրինական զինված կազմավորումները կզրոյացվեն, իսկ ռազմական տեխնիկան կտեղափոխվի Բաքու»,- հավելել է նա