«Մենք արդեն Աջափնյակի մետրոյի նոր կայարանի նախագծման երկրորդ և երրորդ փուլերում ենք»:
Այս մասին այսօր Երևանի քաղաքապետարանի գործակարգավարական նիստի ժամանակ ասաց Երևանի քաղաքապետի տեղակալ Տիգրան Ավինյանը:
«Խնդրում եմ ժամկետներ դնել, որպեսզի նախագծման աշխատանքների պրոցեսին հետևենք: Երկրորդը, մենք շուտով պետք է հայտարարենք Սուրմալուի մերձակայքում նոր կայարանի կառուցման նախագծի մասին, ենթադրում եմ՝ տեխնիկական առաջադրանքը պատրաստ է, գնման ընթացակարգի մասով առանձին հանձնարարական ֆիքսենք»,- ընդգծեց նա: