ՀՀ վարչապետի պաշտոնակատար Նիկոլ Փաշինյանի որոշմամբ Արդարադատության նախարարի պաշտոնակատար Ռուստամ Բադասյանը կմեկնի արձակուրդ: Այդ կապակցությամբ Կառավարության պաշտոնական կայքում հրապարկված որոշման մեջ ասվում է.
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 16-րդ մասով, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 10-րդ հոդվածի 13-րդ մասով և «Կառավարության կառուցվածքի և գործունեության մասին» Հայաստանի Հանրապետության օրենքի 18-րդ հոդվածի 1-ին մասով՝
1. Հայաստանի Հանրապետության արդարադատության նախարարի պաշտոնակատար Ռուստամ Բադասյանին տրամադրել 2020-2021 թվականների աշխատանքային տարվա ամենամյա նվազագույն արձակուրդի մասը՝ 2021 թվականի հուլիսի 9-13-ը ներառյալ:
2. Ռուստամ Բադասյանի՝ արձակուրդում գտնվելու ընթացքում Հայաստանի Հանրապետության արդարադատության նախարարի պաշտոնակատարին կփոխարինի Հայաստանի Հանրապետության արդարադատության նախարարի առաջին տեղակալ Քրիստիննե Գրիգորյանը»:
Հիշեցնենք, որ Բադասյանն ու փոխնախարար Սուրեն Գրիգորյանը հունիսի 20-ի ընտրությունների վիճարկման հարցով ՍԴ-ում ներկայացնելու են «Քաղաքացիական պայմանագիր» կուսակցությանը, որը ներգրավվել է որպես երրորդ կողմ: Բադասյանն այսօր լրագրողների հետ զրույցում հաստատեց այդ տեղեկությունը: Ըստ ՀԺ տեղեկությունների Գրիգորյանը եւս արձակուրդ է վերցրել: