Շատ դեպքերում տնտեսվարողներն իրենք ունեն որակյալ ամենատարբեր արհեստավորների խնդիր, որն այսօր ամենասուր կերպով դրված է ՀՀ-ում: Այս մասին այսօր կառավարության հերթական նիստին ասաց ՀՀ վարչապետ Նիկոլ Փաշինյանը:
Նա նշեց, որ նախ աշխատուժի խնդիր կա, բայց առավելապեսս մեծ է որակյալ արհեստավորների խնդիրը:
«Եկեք սա էլ արձանագրենք, մենք ասում ենք IT ոլորտում այսքան են ստանում, կներեք, մոտավորապես այդքան ստանում է որակյալ արհեստավորը, քանի որ էնքան մեծ պահանջարկ կա, որ գործատուները շատ դեպքերում խնդրում-աղաչում են այդ մարդկանց, որ իրենց ևս ժամանակ տրամադրեն»,- ասաց նա:
Նիկոլ Փաշինյանն ասաց, որ մասնագիտական կրթության և ուսուցման ոլորտում կատարվող բարեփոխումներն ունեն խաչմերուկային նշանակություն և էականորեն ազդելու են տնտեսական պոտենցիալի իրացման ու հետագա զարգացման գործի վրա:
«Հիմնական ուղերձն այն է, որ քոլեջում սովորելը դառնա ցանկալի և հեղինակային, հեռանկարային»,- ասաց նա:
