Եվրամիությունը շարունակում է մնալ կարևոր գործընկեր Հայաստանի համար թե՛ բարեփոխումների իրագործման, թե՛ բարեփոխումների օրակարգի այլ բնագավառներում: Այս մասին այսօր հայտարարեց Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեին ՀՀ փոխվարչապետի պաշտոնակատար Մհեր Գրիգորյանի հետ համատեղ հայտարարության ընթացքում:
«Բարձր եմ գնահատում կառավարության ստանձնած հանձնառությունը՝ շարունակելու այս բարեփոխումները: Սրանք կարևոր բարեփոխումներ են, որ Եվրոպան դա տեսնի, և Հայաստանի ժողովուրդը դա տեսնի: Ես ողջունում եմ Հայաստանում ազատ, արդար ընտրությունները: Հուսով եմ, որ շուտով Հայաստանում կլինեն ուժեղ կառավարություն, ուժեղ խորհրդարան, խորհրդարանական մեծամասնություն, որովհետև մենք շատ անելիք ունենք»,- ասաց Վարհեին:
