ՀՀ ԱԳ փոխնախարար Վահան Կոստանյանն այսօր Ազգային ժողովում լրագրողների հետ ճեպազրույցի ժամանակ անդրադարձավ օրերս Հակարիի կամրջին տեղի ունեցած դեպքերին և դրա պատճառով ՀՀ-ում ՌԴ դեսպանին Արտաքին գործերի նախարարություն հրավիրելուն։
Հարցին՝ այս մասով որևէ արձագանք կա՞ Ռուսաստանի կողմից, փոխնախարարը միայն արձագանքեց․ «Միջադեպը քննվում է, ՀՀ ԱԳՆ-ն իր դիրքորոշումն ու մտահոգությունը ներկայացրել է խնդրի վերաբերյալ»։
Հիշեցնենք՝ օրերս ադրբեջանցիները ռուսների օգնությամբ իրենց դրոշը տեղադրել էին Հայաստանի տարածքում։ Ռուս զինծառայողներն իրենց զրահափոխադրիչներով պատնեշ էին դրել, ինչից հետո ադրբեջանական կողմը դրոշ էր տեղադրել: «Հայկական ժամանակ»-ի տեղեկություններով, սակայն, հայկական կողմի գործադրած ջանքերի շնորհիվ ՀՀ տարածքում տեղադրված ադրբեջանական դրոշը հեռացվել է:
Հունիսի 15-ին Հակարիի կամրջի մոտ ռուս խաղաղապահների ներգրավվածությամբ տեղի ունեցած միջադեպի կապակցությամբ ՌԴ դեսպանը կանչվել էր ՀՀ ԱԳՆ, նրան Հայաստանի խիստ դժգոհությունն էր ներկայացվել:
