ՀԱՊԿ երկրները վերահաստատում են ուժի կիրառումից զերծ մնալու իրենց հանձնառությունը և մտադիր են իրենց և այլ պետությունների միջև բոլոր տարաձայնությունները լուծել խաղաղ ճանապարհով։ Այս մասին ասված է ՀԱՊԿ խորհրդի հայտարարության մեջ, որը հրապարակվել է կազմակերպության կայքում։
«Մենք վերահաստատում ենք մեր հանձնառությունը՝ զերծ մնալու միջպետական հարաբերություններում ուժի կամ ուժի սպառնալիքի կիրառումից, և հանձնառու ենք լուծել մեր և այլ պետությունների միջև բոլոր տարաձայնությունները խաղաղ ճանապարհով»,- ասվում է տեքստում։
