Մեկնարկել են Էջմիածին քաղաքի փողոցների ու բակերի հիմնանորոգման աշխատանքները, տեղեկացնում են Էջմիածնի քաղաքապետարանից։
Թորամանյան, Կոմիտաս, Թորոս Ռոսլին (նախկին Լիսիցյան) փողոցներում և Արամ Մանուկյան 1-ին թաղամասում մեկնարկել են ամբողջական ասֆալտապատման աշխատանքները:
Ելնելով հաստատված նախագծի ծավալից՝ աշխատանքները մեկնարկել են միաժամանակ մի քանի փողոցներում՝ սահմանված ժամկետում ասֆալտապատումն ավարտելու համար:
2021 թվականի մայիսի 10-ին ավագանու հաստատած ծրագրով Էջմիածին համայնքում կատարվելու է 750 մլն դրամի հիմնանորոգում հետևյալ փողոցներում ու բակերում.
- Հունան Ավետիսյան,
- Թորոս Ռոսլին (նախկին Լիսիցյան),
- Գրիգոր Նարեկացի,
- Վարդան Մամիկոնյան (հատված),
- Կոմիտաս փողոց (2 հատված),
- Թորամանյան,
- Ֆրանց Վերֆել (նախկին Շոլոխով),
- Այվազովսկի,
- Ա. Մանուկյան 1-ին թաղամասի թվով 3 փողոցները (այդ թվում՝ այգուն հարող փողոցները),
- Վիկտոր Համբարձումյան (նախկին Լոմոնոսով) 1-ին փակուղին,
- թիվ 2 երաժշտական դպրոցի հետնամասի ճանապարհը,
- Ս. Մովսես Խորենացի 0,2, 4, 22, 24, 26 շենքերի բակերը,
- Լեոնիդ Ազգալդյան (նախկին Վռամ Կոստանյան) թիվ 3 և 5 շենքերի բակերը,
- Սբ. Գրիգոր Լուսավորիչ (նախկին Կամո) թիվ 2, 2Ա, և 4 շենքերի բակերը,
- Շահումյան 69, 71, եւ 73,
- Սբ. Մ. Մաշտոց թիվ 8Ա, 8Բ, 8Գ և 8Վ,
- Արագածի զանգված թիվ 16 շենքի բակը,
- Անդրանիկ թաղամասի ներքին փողոցը,
- Րաֆֆու (նախկին Մռավյան) փողոցը,
- Զվարթնոց թաղամասի կենտրոնական փողոցը,
- Եկմալյան փողոցը,
- Արագածի 2-րդ զանգվածի փողոցներ,
- Տերյան 1-ին փակուղին: