Կառավարությունն այսօրվա՝ նոյեմբերի 9-ի նիստում ընդունեց նախագիծ, որով ԼՂ-ից բռնի տեղահանվածների համար կիրականացվի երկամսյա սոցիալական աջակցության միջոցառում նորեմբեր և դեկտեմբեր ամիսներին ամսական 50 հազարական դրամի չափով՝ առաջնային սպառողական ծաղսերը հոգալու նպատակով:
Այս մասին ասաց աշխատանքի և սոցիալական հարցերի նախարար Նարեկ Մկրտչյանը:
«Միջոցառման շահառու կհանդիսանան 100 հազար դրամ միանվագ սոցիալական աջակցություն միջոցառման շահառու հանդիսացող անձինք որոշ բացառություններով, շահառու չեն հանդիսանա հյուրանոցներում կամ հյուրատներում ժամանակավոր բնակվող, ՀՀ-ում չգտնվող և բանկային հաշիվներում 2 միլիոն դրամական շեմից ավել գումար ունեցող անձինք: Ծրագրից չեն կարող օգտվել նաև մինչև տեղահանումը ՀՀ-ում աշվառվածները»,- մանրամասնեց Մկրտչյանը:
Նա նաև նկատեց՝ դրամական աջակցությունը ստանալու համար անհրաժեշտ է էլեկտրոնային եղանակով ներկայացնել մեկանգամյա դիմում՝ 2023 թվականի նոյեմբերի 17-ից մինչև 2023 թվականի դեկտեմբերի 15-ը ներառյալ։
Նախագծի համար ՀՀ պետական բյուջեի պահուստային ֆոնդից կտրամադրվի 10 միլիարդ դրամ: