ԿԸՀ-ում ընտրությունների ընթացքի մասին տեղեկություններ է ներկայացրել հանձնաժողովի նախագահ Տիգրան Մուկուչյանը:
Կենտրոնական ընտրական հանձնաժողովի մամուլի կենտրոնը կաշխատի շուրջօրյա գրաֆիկով: 3 ժամը մեկ կհրապարակվեն քվեարկության մասնակցության վերաբերյալ տեղեկություններ, իսկ կեսգիշերից կսկսվի քվեարկության արդյունքների աղյուսակավորումը:
Կազմավորվել է 2008 ընտրատեղամաս, որոնցից 12-ը՝ քրեակատարողական հիմնարկներում, որոնք կբացվեն ավելի ուշ: 1996 տեղամասային կենտրոնները բացվել են սահմանված կարգով և ժամկետներում, առաջին ընտրողները կատարել են իրենց քվեարկությունը:
Առավոտյան ԿԸՀ կազմերում ընդգրկված 16 064 քաղաքացիներից 119 հանձնաժողովի անդամներ չեն ներկայացել 114 տեղամասերում:
Տեղամասային կենտրոններում ընտրողների գրանցման գործընթացն իրականացվելու է տեխնիկական սարքավորումների կիրառմամբ, հատկացված է 4006 սարքավորում: Ժամը 8:00-ի դրությամբ բոլորը գործարկվել են:
Ընտրություններին դիտորդական առաքելություն կիրականացնեն թվով 8 միջազգային և օտարերկրյա կազմակերպությունների 483 միջազգային դիտորդներ և 8749 տեղական դիտորդներ՝ 19 տեղական հասարակական կազմարեպություններից: 61 օտարերկրյա քաղաքացի այցելուի կարգավիճակով կհետևի քվեարկության ընթացքին: Հավատարմագրվել է 68 ԶԼՄ-ների 745 ներկայացուցիչ և 79 օտարերկրյա ԶԼՄ-ների մոտ 135 ներկայացուցիչ:
09:30-ին ԿԸՀ քարտուղար Արմեն Սմբատյանը կխոսի ընտրություններում քվեարկության կարգի մասին: