Ինչպես տեղեկացավ InterLur.com լրատվական գործակալությունը ՀՀ ՊՆ լրատվության բաժնից՝ սեպտեմբերի 7-ին 4-րդ զորամիավորման հրաձգարաններից մեկում ուսումնական վաշտի զինծառայողներն անցկացրել են կրակային պատրաստության տեսական և գործնական պարապմունքներ։ Տարածված հաղորդագրությունում մասնավորապես ասվում է, որ անձնակազմը ևս մեկ անգամ հրահանգավորվել է կրակային խնդիրների կատարման և անվտանգության կանոնների պահպանման վերաբերյալ։ Զինծառայողները ցուցաբերել են բարձր պատրաստվածություն և գործնական վարժանքի ժամանակ խոցել կրակադաշտի բոլոր թիրախները: