Կմասնակցի արդյոք Հայաստանը նոյեմբերի 23-ին կայանալիք ՀԱՊԿ գագաթնաժողովին։
Հարցին այսօր Կառավարության նիստից հետո լրագրողների հետ ճեպազրույցում անդրադարձավ ԱԳ փոխնախարար Վահան Կոստանյանը։
«Այս պահին որոշում չկա, երբ լինի, կտեղեկացվի հանրությանը։ Տեսականորեն հնարավոր է և՛ մասնակցել, և՛ չմասնակցել»,- ասաց նա։
Դիտարկմանը՝ չմասնակցելու դեպքում չի՞ նշանակի, որ Հայաստանը դե ֆակտո դուրս է գալիս ՀԱՊԿ-ից, Կոստանյանը նկատեց․ «Դե ֆակտո դուրս գալ եզրույթը չեմ հասկանում, քանի որ դա իրավական գործընթացով է տեղի ունենալու, այս պահին նման պրոցես չկա»։
