Մենք գնահատում ենք ԼՂ-ում ԿԽՄԿ հումանիտար դերը, ուստի ընդգծում ենք` Ադրբեջանի կողմից դրա շարունակական խոչընդոտումը և ԿԽՄԿ հոգածության ներքո գտնվող հիվանդների առևանգումն անընդունելի են և պետք է դատապարտվեն: Այս մասին թվիթերյան իր միկրոբլոգում գրել է ՀՀ ԱԳՆ խոսնակ Անի Բադալյանը:
«Ավելի քան 1760 մարդ զրկված է բուժօգնությունից, հազարավոր մարդիկ դեղորայք չունեն»,- գրել է նա:
«Այսօր մեր ուղեկցությամբ Լաչինի միջանցքով Հայաստան է տեղափոխվել բժշկական օգնության կարիք ունեցող 12 քաղաքացի»,- տեղեկացնում են ԿԽՄԿ հայաստանյան գրասենյակից։
2022 թվականի դեկտեմբերից ի վեր ԿԽՄԿ-ն իրականացրել է ավելի քան 700 բուժառուի տարհանում։
