Միջազգային մարդասիրական օգնություն տեղափոխող առնվազն 64 բեռնատարներ չորեքշաբթի օրը Ռաֆահ անցակետով մտել են Գազայի հատված։ Այս մասին Պաղեստինյան տարածքներում Իսրայելի կառավարության գործողությունների համակարգման գրասենյակը հայտնել է X սոցիալական ցանցի իր էջում։
Ինչպես նշվում է, 18 բեռնատարներ սննդամթերք են հասցրել անկլավ, 11-ը՝ դեղորայք, 25-ը՝ ջուր, 2-ը՝ առաջին անհրաժեշտության ապրանքներ՝ ժամանակավոր տեղավորման կենտրոնների աշխատանքը կազմակերպելու համար, ևս 8-ը՝ խառը բեռներ։