Իսրայելը Գազայի հատվածում գործողություն կիրականացնի այնքան ժամանակ, քանի դեռ չի հաղթել:
Այս մասին հայտարարել է երկրի վարչապետ Բենիամին Նեթանյահուն:
«Ուզում եմ նաև իմանաք այն, ինչը մենք չենք անելու, դա է՝ առանց պատանդների վերադարձի զինադադար չի լինի, թող սա ամբողջությամբ հանվի բառապաշարից։ Մենք սա ասում ենք մեր թշնամիներին և մեր ընկերներին:
Մենք շարունակելու ենք գործողություններն այնքան ժամանակ, քանի դեռ չենք հաղթել նրանց, մենք այլընտրանք չունենք։
Կարծում եմ՝ այսօր սա բոլորն են հասկանում»,- հայտարարել է նա: