Իրանն ու Հայաստանը համագործակցության հուշագիր են ստորագրել աշխատանքի փոխանակման, տեխնիկական և մասնագիտական ուսուցման, հաշմանդամների սոցիալական ապահովության, ինչպես նաև տնտեսական համագործակցության, այդ թվում՝ նավթաքիմիական, ճանապարհաշինության, շինանյութերի և դեղագիտության ոլորտներում, հաղորդում է իրանական IRNA գործակալությունը։
Հուշագիրը ստորագրել են Հայաստանի աշխատանքի և սոցիալական հարցերի նախարար Նարեկ Մկրտչյանը և Իրանի աշխատանքի և սոցիալական ապահովության նախարար Սեյեդ Սովլաթ Մորթազավին։
